Story: Khaya Gwentshe / Photos: Supplied
CALA – UMphathiswa weSebe lezoLimo eMpuma Koloni, uNonceba Kontsiwe, uthi utyalo-mali kwiziseko ezingundoqo zasemaphandleni lubalulekile ekuncedeni amafama asekuhlaleni ukuba akwazi ukuziphilisa kwiindawo ahlala kuzo, kwakunye nokuseka iindlela zolimo ezizinzileyo.
UKontsiwe uthethe la mazwi ngethuba etyelele uMasipala waseSakhisizwe kule veki, nalapho anikezele ngeshedi yokucheba iigusha enemisebenzi emininzi, exhotyiswe ngokupheleleyo, kumafama emfuyo.
Esi sakhiwo, esikwilali yaseMbenge eCala, kulindeleke ukuba sincede amafama emfuyo asekuhlaleni ngokubabonelela ngendawo ephucukileyo yokucheba iigusha nokuphatha imfuyo.
UMphathiswa uthi ukomeleza iziseko ezingundoqo zasemaphandleni kunganceda ekuphuculeni imveliso kwezolimo nasekudaleni amathuba okuphila azinzileyo kumafama asekuhlaleni.
