Story: Zimasa Mbandezelo
COFIMVABA – Baphume imvula isitsho abathandi befashoni kumasipala iVuyisile Mini kutshanje nalapho icandelo elijongene Noqoqosho Olusakhulayo Lwasekuhlaleni (Local Economic Development) kulo masipala belisindleke i-Fashion Show.
Lo mboniso wempahla ubanjwa rhoqo ngelixesha lonyaka kumasipala ngenjongo zokuveza izakhono zabathungi abasakhasayo, kukwajongwe nokuba bakhuliswe kwezoshishino bekwaxhotyiswa ngolwazi.
Ethetha noluntu oyintloko kwicandelo lakwa LED kumasipala iVuyisile Mini uHazel Ngewu ngethuba esothula le nkqubo ucacise ngoyena nobangela uphambili wokubanjwa kwale nkqubo.
Kwangaxeshanye uAnele Fana osuka kwicandelo lakwa LED eChris Hani ucacise ngezona zinto ziphambili abathungi bekumele baziqaphele, ekwanikeze ngamazwi okuxhobisa esithi, kunento abathungi abangayiqapheliyo ukuqala ngokwenza uphando malunga nomsebenzi azakuwenza umntu esenza umzekelo, ingaba lempahla azakuyithunga iyadingeka kusini na, izakuthengwa na?
UFana uthi belelicandelo bayayinikeza inkxaso koosomashishini abasakhasayo. Ukhuthaze ngelithi kubalulekile ukuba xa uthunga impahla uyazi ukuba uthungela oluphi udidi ukwenzela ingahlali, ithungwe ibe sele ithengiswa.
