Story: Nikilitha Burns / Photos: Mdaliwoxolo Xhongo
KOMANI – Isikolo i-Queens College kwakunye neqela i-Seven Stars Football Club zixhamle ngeekiti zebhola ezivela kwinkampani yakwa Herotel
Iqela laseQueens College kwakunye neqela i-Seven Star Football Club kutshanje zixhamle ngokunikezelwa ngeekiti zebhola yinkampani yonxibelelwano iHerotel.
UMichelle Biden waseQueens College, ongumlawuli weHockey, uthi esi sikolo sisebenzisana neHerotel ngenxa yomsebenzi owenziwa yile nkampani ekuhlaleni. UBiden uthi le ntsebenziswano inike abadlali ithuba lokubonakala benobungcali ngakumbi xa besiya kukhuphisana namanye amaqela.
Kusenjalo usihlalo we-Seven Stars Football Club, uJan Draghoendor, uvakalise uvuyo ngale nkxaso, esithi ukunikwa kwezi kiti kuluncedo olukhulu kwiqela.
