Story: Zimasa Mbandezelo / Photos: Supplied
QAMATA – UMongameli wombutho we-African Nationa Congress (ANC), uCyril Ramaphosa, ubenyathele eQamata, kufuphi naseCofimvaba, ngenjongo yokuphehlelela ngokusesikweni inkqubo yamavolontiya alo mbutho. Eli nyathelo liyinxalenye yamalungiselelo onyulo oluzayo, nalapho amavolontiya aza kuthunyelwa kwiindawo ngeendawo ukuyokusebenza noluntu.
Ngexesha lotyelelo lwakhe, uMongameli uRamaphosa ukwakhahlele uKumkani yabaThembu, uKumkani Dalindyebo Matanzima, njengenxalenye yenkqubo yakhe eQamata.
UNobhala we-ANC kwiChris Hani Region, uAndile Mini, uthe ukutyelela kukaRamaphosa kuphawula ukuqaliswa ngokusesikweni kwenkqubo yamavolontiya aza kuphuma aye emakhayeni nasekuhlaleni ukuyokwazisa uluntu ngemisebenzi kunye neenjongo zombutho phambi konyulo.
Kwangaxeshanye, amavolontiya e-ANC amkele ngovuyo ukufika kukaMongameli wombutho eQamata.
