Story: Asive Matwa
DUTYWA – Uluntu kwigingqi yase Mbhashe luncoma igalela notshintsho olwenziwa yi Philiso Community Center Rehab ekuhlaleni.
Le rehab ijongene nabantwana abazibona bengamaxhoba eziyobisi nengxaki yokusela utywala ngokugqithisileyo. Lendawo inceda amaxhoba iwafundisa ngendlela yokuziphatha kwanokwakha ikamva elingcono.
Omnye wabo bebenengxaki yokusebenzisa iziyobisi uthi ukuhlala kwakhe kule rehab kubelulutho kuye kwatshintsha ubomi bakhe. Uthi ukubalapha kumncedile wathatha isigqibo sokubuyela esikolweni agqibezele izifundo zakhe kwaye ngoku ungumntu ohamba nenkonzo.
Ukanti, ongumnini wale rehab uVuyokazi Makeleni uthi imingeni abanayo iquka ukungabikho kwesakhiwo esingundoqo, ukutya kunye nezinto zokudlala ibhola nanjengoko baye badlale ibhola kwilinge lokuba amaxhoba alibale ngeziyobisi.
