Story: Khaya Gwentshe
CALA – Abemi baseCala ngokubambisana nePhakama Eastern Cape bathi abonelisekanga yimpendulo kaMasipala waseSakhisizwe kwixwebhu lezikhalazo abalingenise ngomhla wama-28 kuCanzibe malunga nabantu abangenamaxwebhu okuhlala kweli lizwe ngekusemthethweni.
Ekuphenduleni, umasipala ubeke iingxelo ezivela kwiSebe leMicimbi yezeKhaya, amapolisa, iCandelo lezeMpilo yokusiNgqongileyo kuMasipala weSithili saseChris Hani, iinkokheli zemveli kunye nomasipala ngokwawo. Ukwaphike nezityholo zokuba kukho iincwadi zobunini bezindlu zesibonelelo sikarhulumente ezinikwe abemi bamanye amazwe.
Kusenjalo, ummeli wePhakama EC uNomzekelo Jama uthi ingxelo abayinikwe ngumasipala ayiphenduli ngokwaneleyo kwimiba ebikuxwebhu lwezikhalazo, yiyo loo nto sele bengenise esinye isicelo sokwenza umngcelele woxolo ngomhla wama-30 kule nyanga.
Obemele uSodolophu, uCeba uMzwamadoda Ngqayimbana uthi umasipala uza kulinda unxibelelwano olusemthethweni oluvela kumbutho ukuze kuqwalaselwe imiba abangonelisekanga yiyo.
Story: K
