Story: Nondumiso Mpaka
NGCOBO – Inkxaso engagungqiyo abayifumanayo abo baqhuba uqhankqalazo eNgcobo bavakalise ukuba ibenza bahambele phambili nangakumbi, nanjengoko ingena kusuku lwesithathu ivalwe gingci idolophu yase Ngcobo.
Abo bayinxalenye yoku babonakala bengatyhafanga nangona izolo bathe besuswa ngeembumbulu ze rubber de kwafika noMphathiswa uZolile Williams wesebe Lorhulumento, Noqhogelwano Nemicimbi Yemvelo (Cooperative Governance and Traditional Affairs).
Kusenjalo, naye uMphathiswa uWilliams uhambe engakhange athethe nto ivakalayo nabahlali kuba uthe esaqala ukuwuvula umlomo wabe enganikwa thuba lokuthetha ngabahlali, xa kungoku akhonto yenzekayo edolophini ushishino lusame ngxi.
