Story: Khaya Kwetshe
Amalungu wombutho we African National Congress (ANC) kwa Ward 2 kuMasipala waseSakhisizwe alile ukubayinxalenye yentlanganiso yoluntu ebibanjelwe kwiholo iMasibambane, efuna ukuba uSekela Nobhala Jikelele wesibini we-ANC, uMaropene Ramakgopa, aqwalasele imiba ephathelene nobunkokheli kwisebe i-O.R. Tambo.
La malungu athi kukho iinkxalabo ngendlela ubunkokheli beli sebe obuthathelwa phantsi ngayo, kwakunye nomgqatswa abathi bawukhethile ukuba angenele isikhundla sokuba nguceba weWard.
USiyabulela Nxozi nongusihlalo wesebe uthi uRamakgopa, ekunye noNondyebo we-ANC eMpuma Koloni, uZolile Williams, badibene nabo emva kwentlanganiso baza bazibophelela ekuphandeni le miba bayiphakamisileyo.
