Story: Khaya Gwentshe
CALA – IMasifundisane Service Centre yabantu abakhulileyo ijongene nesiganeko apho indoda ekuthiwa ingumfundisi ityholwa ngokonakalisa ipropati yeli ziko, isithi iingcango neentsimbi zokhuseleko zezakhe.
Ngokutsho komgcini wale ndawo, uMziwoxolo Buja, le ndoda kutyholwa ukuba isebenzise izembe ukwehlisa iingcango neentsimbi zokhuseleko, yaza yophula neefestile.
UBuja ukwatyhola ngelithi le ndoda imoyikise ngelithi iza kubuya kweli ziko.
Usihlalo weMasifundisane Service Centre, uNombulelo Wana, uthi esi siganeko sele sixeliwe emapoliseni.
