Story: Nikilitha Burns
NXUBA – I-SAPS Women’s Network Ibhiyozele Inyanga Yamanina Ngomsitho We-Masquerade eNxuba-Yethemba.
Umbutho wamanina kwinkonzo yesipolisa eMzantsi Afrika, i-SAPS Women’s Network, kutsha nje ububambe umsitho we-Masquerade Ball eNxuba Yethemba njengenxalenye yokubhiyozela iNyanga yamaNina.
Lo msitho ubuhlanganise amanina asebenza kwiinkalo ezahlukeneyo ze-SAPS, ngenjongo yokuwabhiyozela, ukuwakhuthaza nokuwaxhobisa.
Ethetha kulo msitho, uStation Commander wesikhululo samapolisa eMlungisi kuKomani, uColonel Rangasamy Bisumbar, uthe iminyhadala efana nale ibanjwa minyaka le njengenye yeendlela zokunika imbeko kumanina asebenza kwiinkonzo zamapolisa nokuwakhumbuza ngendima ebalulekileyo ayidlalayo.
Lo mbhiyozo ube sisikhumbuzo sokuba iNyanga yamaNina ayipheleli ekubhiyozeleni impumelelo yamanina kuphela, kodwa ikwalithuba lokuwakhuthaza ukuba aphile ngokukhululekileyo, angazifihli, aze aqhubeke nokuphumelela kwiindawo zawo zokusebenza nakubomi ngokubanzi.
