Story: Asive Matwa
DUTYWA – Usomashishini wasekuhlaleni kwilali yaseTimane eDutywa, uSibusiso Danti, uzakhela igama kwishishini lefashoni ngophawu lwakhe lweempahla.
UDanti uthengisela uluntu iintlobo ngeentlobo zeempahla ezisemgangathweni, ezinesitayile nezifikelelekayo ngexabiso. Uthi injongo yeshishini lakhe kukukhuthaza ifashoni yasekuhlaleni, ukudala amathuba ezoqoqosho nokukhuthaza abahlali ukuba baxhase iimveliso ezenziwa ngabantu balo mmandla.
Eli nyathelo lamkelwe ngovuyo luluntu lwasekuhlaleni. Amalungu oluntu athi ishishini likaDanti linegalelo elibonakalayo kuphuhliso lwendawo, logama likwakhuthaza ulutsha ukuba luzibandakanye kwezoshishino kunokuba lulinde amathuba omsebenzi.
