Story: Khaya Gwentshe / Photo: Supplied
CALA – Kwenziwe i-Operation Gqogqa eCala, ejolise kumashishini asebenza ngaphandle kweemphepha-mvume ezisemthethweni.
Lo msebenzi ubukhokelwe nguMasipala waseSakhisizwe ngokubambisana nenkonzo yesiPolisa, iSebe le Micimbi yekhaya kwakunye namagosa ezempilo nokhuseleko lokusingqongileyo kuMasipala weSithili saseChris Hani.
Kuhlolwe iivenkile ezingama-35, kwaza kwavalwa ezilishumi. Ezine kuzo bezineemphepha-mvume zoshishino eziphelelwe lixesha, logama ezintandathu bezisebenza ngaphandle kweemphepha.
Abantu abane abangengabo abemi boMzantsi Afrika nabo babanjiwe ngexesha lalo msebenzi. Oku kuqinisekiswe nguKapteni Yolisa Mgolodela wenkozo yesiPolisa kwisithili saseChris Hani.
