Story: Khaya Gwentshe
MCEULA – Kubhiyozelwe inkcubeko kumsitho wokuphehlelela iqela lamagqiyazana eNkciyo elibizwa “Ubuntombi Bam”, kuMtyantya eMceula kutsha nje. Eli qela lisungulwe nguNomfundo Tibisolo ngoJulayi, ngenjongo yokukhusela nokuxhobisa amantombazana aselula.
UTibisolo uthi iinkqubo ezakhayo zinokunceda ukukhusela amantombazana kwiingozi ezifana nokudlwengulwa nokuxhwilwa. Uthi bajongene nemiceli-mngeni efana nokunqongophala kwenkxaso-mali nolwazi.
UCeba kuWadi 7, uThobile Mayongo, uthi iinkqubo eziloluhlobo zidinga inkxaso, kwaye kukwafuneka kusekwe neenkqubo ezifanayo ezijolise kumakhwenkwe.
