Story: Nikilitha Burns
KOMANI – Isebe leMfundo eMpuma Koloni lijolise ekuphuculeni iziphumo zematriki zalo nyaka zifikelele ku 85%.
Bangaphezulu ko-127 000 abafundi whaleungiselela ukubhala iimviwo zokuphela konyaka. UMphathiswa weli sebe, uFundile Gade, uthi sele kumiselwe iinkqubo ezahlukeneyo zokulungiselela abafundi ezi mviwo ezifana nokuya ezikolweni kwabafundi nangeMigqibelo.
Uthethe oku ngethuba etyelele iSouthbourne Primary School eKomani, nalapho bekubanjwe khona inkqubo yesibhambathiso sokuthobela imigaqo yeemviwo. Abafundi bazibophelele ekubeni babhale iimviwo ngokunyaniseka nangokulandela imithetho ebekiweyo.
UGade uthi eli sebe lizilungiselele iimviwo zalo nyaka, kwaye liza kuqhubeka nokuthatha amanyathelo okuqinisekisa ukuba abafundi babhala iimviwo ngendlela efanelekileyo.
