Story: Nikilitha Burns / Photo: Lisakhanya Qinisile
EZIBELENI – IZibele zoLuntu Foundation zibhiyozela iLifa leNkcubeko ngemidlalo yasemandulo
I-Zibele zoLuntu Foundation ibambe inkqubo yokubhiyozela iLifa leNkcubeko, nalapho abantu abadala nabantwana baye bathatha inxaxheba kwimidlalo yasemandulo eyahlukeneyo.
Ethetha ngale nkqubo, othethela i-Zibele zoLuntu Foundation, uSimnikiwe Nxoyi, uthi injongo yabo kukubuyisela nokugcina iindlela zesintu, ngelixa bekwadibanisa ulutsha ukuze lubandakanyeke kwizinto ezibalulekileyo ekuhlaleni.
UNxoyi uthi imidlalo yasemandulo inendima ebalulekileyo ekudluliseleni ilifa lenkcubeko nakwizizukulwana eziselula.
