NCORA – Uluntu kwilali yase Jojweni eNcora beluphume ngobuninzi luzimase itheko lokubhiyozela inyanga yokuzingca ngamafa nenkcubeko. Iinkampani zabucala zinikezele ngeenkonzo zazo kuluntu.
Umsimdleki welitheko ongumsunguli kakopolotyeni iTutuse Community Project uKing Sambu uthi ziliqela izinto bekunikezelwe ngazo kuluntu kuquka izihlangu zesikolo ezilikhulu ezinikezelwe kubantwana besikolo iLower Ncora Primary School.
Inqununu yesikolo uSandisa Gwe uthi izihlangu ezinikezelwe kubafundi zizokutshintsha ubomi babo nanjengoko bekhona abantwana imeko yabo ibingentlanga. Ukwathi amatheko akumila kunje ancedisa kakhulu ukudlulisela imfundiso ngenkcubeko kubantwana.
Kwangaxeshanye, ongomnye wabahlali uthe baziva bechulumancile kolusuku, esenza umbulelo kwi Tutuse Community Project, esithi kukhulu abenzele kona nangokudibana oku bezokubhiyozela olusuku.
