Story: Nikilitha Burns
KOMANI – Amapolisa aseMlungisi eKomani athe aqhuba iphulo lokubamba abemi bamanye amazwe abakrokrelwa ukuba bahlala kweli ngaphandle kwamaphepha asemthethweni.
Bangama-20 abemi bamanye amazwe ababanjiweyo bathathwe basiwa kwiSebe leMicimbi yezeKhaya ukuze kuqinisekiswe ubume babo bokufudukela kweli.
Abathandathu kufunyaniswe ukuba banamaphepha asemthethweni okungena nokuhlala eMzantsi Afrika, logama abali-14 kufunyaniswe ukuba bahlala kweli ngokungekho mthethweni.
Abo bali-14 basiwa kwisikhululo samapolisa saseKomani, apho balindeleke ukuba kuqhutyekwe neenkqubo zokubuyiselwa kumazwe abasuka kuwo.
Isithethi samapolisa kwisithili sase Chris Hani u Captain Yolisa Mgolodela uyacacisa.
