Story: Nikilitha Burns
EZIBELENI – Njengoko kuqhutywa imibhiyozo yoSuku lukaTata uNelson Rolihlahla Mandela namhlanje, umbutho i-Clean Queenstown ubambisene ne-Izibele Zoluntu Foundation, iHerotel kwakunye namalungu oluntu lwaseZibeleni ekucoceni indawo ebisetyenziswa ngokungekho mthethweni ukulahla inkunkuma eZone 2 eZibeleni.
Eli phulo belijolise ekukhuthazeni ucoceko, ukukhathalela indalo, nokukhuthaza uluntu ukuba luthathe inxaxheba ekugcineni iindawo abahlala kuzo zicocekile. Abaququzeleli bathi eli linyathelo lokubonakalisa umoya wokuzinikela eluntwini.
Abahlali nabo bathathe inxaxheba kweli phulo, besebenzisana ekususeni inkunkuma nasekuphuculeni imeko yendawo, logama bekhuthazwa ukuba bangaphindi bayisebenzise njengendawo yokulahla inkunkuma ngokungekho mthethweni.
