Umasipala wesithili seChris Hani wothuswe sisithwakumbe sokubulawa kuka Cllr Thumeka Bikwana nothe waswelekela kwikhaya lakhe ngomhla 04 May 2026.
Ngokwengxelo ekhutshwe ngumasipala ithi uCllr Bikwana ubulewe ngokungenalusini ngabarhanelwa abangaziwayo kwikhaya lakhe kwilali yakwa Tshatshu eCacadu. Lengxelo ithi umzimba wakhe ufunyenwe unamanxeba eembumbulu izolo. Injongo yokubulawa kwakhe ayikaziwa ukuzothi ga ngoku kwaye icandelo lesipolisa lusaphanda esisiganeko.
U-Cllr Bikwana usebenzele uluntu lwesisithili ngokuzinikela iminyaka engamashumi amabini. Uqale ukusebenza kulomasipala wesithili njengelungu lekomiti kaSodolophu phantsi kwamacandelo aliqela afana necandelo lakwa Budget & Treasury Services, Technical Services, Special Programmes Unit kunye necandelo lakwa Corporate Services ukusukela ngonyaka ka 2006.
Lengxelo iqhube ngelithi loka Bikwana usutywe kukufa eyi Portfolio Head kwicandelo lakwa Corporate Services kulomasipala wesithili se Chris Hani.
Umasipala uthi uluntu lulahlekwe yinkokheli kwaye uzawukhunjulwa ngokunyaniseka kwakhe nangendlela ebeziphethe ngayo kurhulumento.
